مشتاق للعيد في بلدي

مشتاق للعيد في بلدي

----------------------

مشتاق للعيد اللي كان بيملي عليا الدار

مشتاق للعيد اللي كان بنزور فيه الجار

مشتاق للعيد اللي كان بيجمعنا طول النهار

مشتاق للعيد اللي كان ما يخلي من الزوار

مشتاق للعيد اللي كان بيجمع الأهل والأحباب

لا كنا بنخاف من بعضنا ولا عمرنا كنا احزاب

 يا خسارة بقينا بنقتل بعضنا والفرح عنا غاب

لا عاد قرابة بتهمنا ولا دين ولا حتي أهل كتاب

والدم بقي رخيص ما ليهوش حرمة ولا حساب

كتير كلام محبوس ما ينفع يتقال قـدام الاغراب

وبقول يا رب اصلح الحال اللي بقي اسود هباب

يا رب مالنا غيرك يفرج الهَّـم ويصلح الخراب